Af öllum 24 via styrkleikunum sem prýða okkur manndýrin, þá eru þessir einna helst í fylgni við hamingju – þótt að það að nota/dvelja í eigin styrkleikum er það sem gefur mestu hamingjuna, en af þeim allra hamingjusömustu skv. rannsóknum ViaCharacter.org rannsóknarstofunni – 75% þeirra eru með alla vega einn af neðangreindum styrkleikum:

• Lífsorka (zest)
• Von​
• Þakklæti​
• Ást​
• Forvitni ​

Lífsorka, þú gengur í verkin og elskar lífið, von – af því það gefur hugarró að vera bjartsýnn og vonglaður, gott í hjartað og hugann. Þakklæti sem styrkleiki sýnir að það liggur viðkomandi mjög nærri að upplifa þakklæti – heppinn sá! Ást – eykur líkur á að þú hafir fólk í kringum þig og sért í uppbyggilegum samskiptum og tjáir tilfinningar þínra og þiggur til baka. Forvitni sem mannkostur gerir þig spenntari enn aðra fyrir allskonar á degi hverjum, þér finnst lífið spennandi ævintýri, góður eiginleiki til að eldast með! Reyndu að vera alltaf byrjandi í einhverju, allt æviskeiðið – það er ráð til þeirra sem vilja halda sér lengur sprækum!

Algengustu styrkleikarnir – þ.e. skora oftast í top 5 – eru hins vegar: Góðmennska, sanngirni, heiðarleiki, þakklæti og dómgreind. Það segir fullt um heiminn okkar, að hann er oft góður – við erum alltaf að hjálpast að ómeðvitað.

Styrkleikarnir okkar hjálpa okkur að sjá hvernig við nálgumst verkefnin og lífið með mismunandi sjónarhornum. Hæfileiki sem við höfum, með ,,fjárfestingu” og þjálfun – verður að styrkleika.

•Styrkleikar segja til um hvernig við nálgumst verkefni

•hvernig við vinnum úr upplýsingum

•hverju við tökum fyrst eftir

•Hvernig við nálgumst samskipti

•Hvernig við höfum áhrif

•Hvað gefur þér orku?

•Hvað drífur þig áfram á næsta skref?

•Hvað þarftu til að blómstra?