Vinnusálfræði, jákvæð sálfræði, markþjálfun og jákvæð leiðtogafærni.
Fyrirtæki sem vita fyrir hvað þau standa, sem vita tilgang sinn og gildi, sem hafa skýra stefnu og markmið og halda vel utan um starfsmenn sína, þeim vegnar vel. Ef stýrt er með ógnarstjórn, þá þorir fólk ekki annað en að vinna hratt, en það eykur líkur á villum og mistökum, það eykur líkur á að finna blóraböggla, eykur líkur á fjarvistum og veikindum og eykur líkur á að starfsfólk sé á höttunum eftir tækifærum hjá öðrum vinnuveitendurm. Slíkir starfsmenn eru ekki að mæla með þessum vinnustað. Þetta eru ekki meðmæli og slík fyrirtæki eru ekki að farnast vel til lengri tíma.
Fyrirtæki sem er umhugað um eigin rekstur, um starfsmenn sína, velferð þeirra og vilja skila einnig góðu út í samfélagið sitt, eru fyrirtæki sem geta lifað lengi og dafnað um ókomna tíð. Þegar slíkum fyrirtækjum verður á, eru líkur á því að menningin geti lært af því, einstaklingarnir innanborðs líka. Námið sem á sér stað festist í minni fyrirtækisins svo fyrirtækið verður sterkara fyrir bragðið. Gleymum því ekki að lótus blóm vex í leðju, það þarf skít, til að það blómstri. Stundum stækkum við, við það að takast á við erfitt. Það er gott að finna að við getum erfitt.
Með því að sameigna markþjálfun og jákvæða sálfræði, verður til jákvæð leiðtogafærni og hún virkar í vinnusálfræði.
Vinnustofur, fræðsla, ráðgjöf, viðtöl, hópefli. Allskonar krydd með. Sköpun, qi gong og hláturyoga. Áætlun um að blómstra. Vellíðan á vinnustað. Skerpa á liðsheild. Efla tilgang og markmið. Styrkleikar. Seigla. Efla bjartsýni og von.
Hvað er jákvæð leiðtogafærni?
Jákvæð leiðtogafærni felst í þeirri þekkingu og hæfni leiðtoga að skapa starfsumhverfi þar sem starfsfólk langar að standa sig vel, leggja sig fram og ná árangri umfram væntingar og er að styrkjast persónulega.
Jákvæð leiðtogafræði – Hamingjuvísir
Jákvæð leiðtogafærni skv. Kim Cameron – Hamingjuvísir
Jákvæð leiðtogafærni í reynd; Menntaskólinn á Tröllaskaga – stofnun ársins: – Hamingjuvísir
Hvað er vinnusálfræði?
Vinnusálfræði hefur áhuga á að skoða vinnustaðamenningu, hvernig hvetja megi starfsmenn og teymi til að ná tilætluðum árangri og skapa vellíðan á vinnustað. Skoða samskipti, líðan, menningu og hvaða mannauður býr í starfsmönnum.
Hvað er jákvæð sálfræði?
Jákvæð sálfræði er hliðargrein innan sálfræði og snýr að því að skoða hvað er í lagi, hvað einkennir þá sem eru farsælir, leiðir til að vera upp á sitt besta, þekkja hvað einkennir farsæl samfélög, hvað einkennir góð samskipti, leggur áherslu m.a. á gróskuviðhorf, jákvæðar tilfinningar, seiglu, styrkleika, þakklæti og ,,plússana” í lífinu.
Hvað er markþjálfun?
Markþjálfun er fyrir fólk sem vill ná auknum árangri og auka skilvirkni. Þetta er aðferðarfræði sem er til þess fallin að hjálpa einstaklingum og teymum að öðlast skýrari framtíðarsýn og nýta styrkleika sína til að raungera þá sýn. Markþjálfun er samræðuferli og vitundarsköpun.
Vinnustofur:
Styrkleikar: Þátttakendur taka styrkleikaprófið Via strengths (tekur um 15 mínútur) og bera svo saman bækur sínar, til að læra meira um eigin styrkleika og annarra. Við viljum nýta styrkleika okkar, það eykur vellíðan, það að nota styrkleika sína er uppspretta til að efla og auka krafti og draga fram það besta í okkur. Prófið til við að ræða meira en nokkru sinni mannkosti og setja áherslu á styrkleika frekar en krankleika. Styrkleikar fjalla ekki um röskun eða greiningu, heldur er einfaldlega okkar innri áttaviti. Þetta mun hjálpa teymum að vinna betur saman og ná settum árangri. Via Strengths prófið er eitt þekktasta styrkleikaprófið í jákvæðri sálfræði, höfundar eru Cristopher Petterson og Martin Seligman, einn af frumkvöðlum jákvæðrar sálfræði.
Seigla og von. Við fæðumst með mismikla seiglu. Seiglu er hægt að þjálfa. Seigla, eða þrautseigja er það að gefast ekki upp þegar á móti blæs. Hvaða tegund af seiglu við nýtum mest er mismunandi. Við skoðum tegundir seiglu og fáum fleiri verkfæri að vinna með til að efla okkur. Hægt er að fá lánaða dómgreind og verða innblásinn af seiglu annarra sem hjálpar til að finna nýjar leiðir. Við tökum seiglupróf til að glöggva okkur betur á eigin stöðu.
Hugarfar og líðan á vinnustað: Hvernig verður viðhorf til? Hvernig breytast viðhorf? Það er gott að staldar við að skoða hvaða hugarfar maður er að temja sér. Kynnumst vaxandi hugarfari vs. stöðnuðu hugarfari og lærum að þekkja hugarskekkjur. Er hægt að auka bjartsýni og von? Hvernig get ég fundið meiri hamingju á vinnustaðnum og hvert er verðmætið í því? Hvað einkennir þau störf þar sem starfsmönnum líður vel og ná góðum árangri? Skoðum ferla, samskipti, árangur og líðan.
Hamingjan/Jákvæð sálfræði. Hvað segja rannsóknir um hamingjuna, hvar er hana helst að finna? Hvernig mælum við hamingjuna? Hvað segja rannsóknir um hamingju Íslendinga. Hvað um hamingjuna og vinnustaði. Jákvæð sálfræði er fræðin um það sem er heilbrigt í okkur og hvað við getum lært af þeim farsælu. Hvað er ég að fást við þegar ég er upp á mitt besta? Get ég gert meira af slíku? Aukin sjálfsþekking hjálpar mér að bera ábyrgð á því að finna mína hillu. Jákvæð sálfræði leitast við að svara spurningum eins og: Hvað einkennir þá farsælu? Geta allir orðið hamingjusamir? Er hægt að ákveða að verða hamingjusamari? Hvað gerir lífið þess virði að því sé lifað? Hvaða breytur eru í fylgni við hamingju o.s.frv.
Hrefna Guðmundsdóttir, MA Vinnu- og félagssálfræði
Sérfræðingur í jákvæðri sálfræði s: 867-4115
hrefnagudmunds@simnet.is, hamingjuvisir.com

Erindi haldin m.a.: Landsvirkun, Hobbla, Akademias, Framvegis, Starfsmennt, Samgöngustofa, Tollstjórinn í Reykjavík, Þjóðkirkjan, Heilsugæsla Höfuðborgarsvæðisins. Hjá stéttarfélögum s.s. hjá VR og BHM. Hjá fagfélögum s.s. hjá sálfræði og uppeldiskennurum á framhaldsskólastigi, hjá leikskólum, hjá Fagfélagi: Fagfólk í frístundastarfi. Hjá stofnunum Vinnumálastofnunar. Fyrir starfsfólk Menntaskólans á Egilsstöðum. Á starfsdegi náms- og starfsráðgjafa.Á starfsdegi sálfræðikennara á framhaldsskólastigi. Hjá Endurmenntun Háskólans á Akureyri. Í jákvæðri leiðtogafærni hjá Háskólanum á Bifröst. Hjá Velferðarvaktinni í félagsmálaráðuneytinu. Hjá Velferðarvaktinni á Suðurnesjum. Hjá félagi unglækna. Leikskólakennurum Reykjanesi. Sinfóníuhljómsveit Íslands. Opna háskólanum í Háskóla Reykjavíkur. Í náminu PRISMA á vegum Listaháskóla Íslands og Háskólanum á Bifröst. Hjá félagi lífsleiknikennara á framhaldsskólastigi. Fyrir félagsmenn Stómasamtakanna. Á starfsdögum hjá Eimskip, Egils Skallagrímssyni og Borgun. Hjá Reykjavíkurborg t.d. hjá Frístundamiðstöðinni Kringlumýri, Kampi og Miðbergi. Fyrir allt sumarstarfsfólk Íþrótta- og tómstundastarfs. Hjá frístundastarfsfólki í Kópavogi. Hjá Vinnuskóla Reykjavíkur og Vinnuskóla Kópavogs. Hjá Símenntunarmiðstöðvum s.s. Suðurlands, hjá Birtu Starfsendurhæfingu o.s.frv.
Viltu heyra um:
* Vellíðan í starfi og á vinnustað
* Tilgangur og markmið, skerpa liðsheild á vinnustað
* Hamingjan og hamingjumælingar
* Hvað einkennir þá hamingjusömustu
* Er hægt að auka eigin hamingu?
* Er hægt að auka vellíðan á vinnustað?
* Styrkleikar, seigla, bjartsýni og von
* Skriflegar æfingar
Sjá í ,,Archives” í borðanum hér efst, þar má sjá eldri blogg. Þar er að finna mikið af efni.

