Gaudeamus

Archive for January, 2015|Monthly archive page

Mannkostir

In Uncategorized on January 22, 2015 at 1:00 am

Mannkostir – persónulegir styrkleikar – skv. jákvæðri sálfræði: Trúarbrögðin, heimspekin og nú jákvæð sálfræði virðast vera sammála um hvaða eiginleikar eiga að prýða eftirsóknarverða manneskju. Þessar dygðir getum við ræktað með okkur og börnunum okkar. Þetta eru eiginleikar sem virðast vera eftirsóknarverðir í bæði smáum og stærri samfélögum, bæði vestrænum og austrænum. Í jákvæðri sálfræði kallast þetta styrkleikar (human strengths). Helstu styrkleikarnir eru:

Viska: Forvitni, víðsýni, fróðleiksfýsn, sjónarhorn

Hugrekk: Vera heill, vera ófalskur, andlegt hugrekki, líkamlegt hugrekki, sjálfstæð hugsun, gagnrýn hugsun, vera tilbúin að standa á móti straumnum.

Kærleikur: mannúð, sanngirni, fyrirgefnin, góðmennska, ást, hópvinna,þróttur.

Réttlætiskennd: sanngirni, leiðtogahæfileikar, félagsfærni

Hófsemd: sjálfsagi, staðfesta, varkárni, sjálfsögun

Andleg höfgi; upplifa sig hluta af stærri heild, vera hlekkur í keðju, kunna að meta fegurð, sköpunargáfa, þakklæti, von, húmor, trúhneigð

Í orðabók er styrkur sama og kraftur. Það á mjög vel við því það að dvelja í eigin styrkleika gefur okkur einmitt kraft og jákvæðar hugsanir og okkur langar til að gera meira.  Það eru síðan aðrir styrkleikar sem gefa öðrum kraft.

Styrkleikar okkar eru því drifkraftur til athafna og breytni. Við upplifum nýja hluti, finnum fyrir árangri og sjáum ný tækifæri og möguleika.

Hugmyndir um hvernig nýta má æfingarnar:

– þekkja eigin styrkleika og búa til tækifæri þar sem þú nýtir þá meira

– átta þig á styrkleikum annarra

– til að fá hugmyndir að verkefnum og æfingum

– til að hafa áhrif á andrúmsloft á vinnustað

Ókeypis styrkleikapróf á netinu: Það er hægt að taka ókeypis styrkleikapróf á netinu. Það getur verið gaman að láta prófið hjálpa þér að átta þig á einhverjum styrkleika sem þú hefur ekki hingað til áttað þig á að þú ert gædd og nýtir þér kannski ekki nægjanlega.  Það er ótrúlegt hvað styrkleikar geta farið fram hjá okkur eða við tekið þá sem sjálfsagða.  Ástæðan fyrir því að það er óhætt að mæla með þessu prófi er einfaldlega það að einn af frumkvöðlum jákvæðrar sálfræði, Dr. Martin Seligman útbjó þetta próf og hefur yfirumsjón með prófinu á netinu, hann nýtir svör þeirra sem taka prófið til áframhaldandi rannsókna.  Slóðin er: http:authentichappiness.com Að taka prófið: Þú byrjar á því að skrá þig á síðuna (login). Til þess þarftu að fylla út margar spurningar um kyn, aldur og svo framvegis. Þegar þú ert komin með lykilorð og leyniorð, þá getur þú skráð þig formlega inn á síðuna. Á síðunnu er mikill fjöldi af allskonar skemmtilegum spurningarlistum og matsprófum sem þú leikur þér við að taka þegar þú átt góða stund.  Styrkleikaprófið sem mælir ofangreinda mannkostir heitir:  Measures 24 Character Strengths. Styrkleikaprófið er undir TEST CENTER (ofarlega á síðunni).

Það tekur um klukkustund að taka prófið, það vistast sjálfkrafa á síðunni ef þú vilt taka þér hlé frá því að svara. Þú gengur síðan að prófinu á sínum stað aftur og aftur.  Þegar þú færð niðurstöðurnar, eru þær í röð – helstu styrkleikar þínir efst og svo koll af kolli. Efsti þrír styrkleikarnir eru kannski þeir sem einkenna þig mest, þeir styrkleikar sem gefa þér mest að dvelja í. Loksins kemur próf sem hjálpar þér að dvelja í því sem þú ert best eða bestur í!  Það er sem sagt ekki þannig í þetta skiptið að þú eigir að skoða hvaða styrkleikar þú hefur síst (neðst) og átt að vinna í þeim.  Hreint ekki! Hugmyndin með styrkleikunum er einmitt sú að gefa þér kraft og sjá nýja möguleika í hversdagslífinu.

Advertisements

Til að kveikja í þér – spurningar:

In Uncategorized on January 20, 2015 at 2:58 pm

1. Hvað varstu að gera í gær (ca hvern klukkutíma)
Mældu 1-10 gleði og hamingju/
Gaman/merkilegt/þess virði/hvað myndir þú vilja auka?
brain 33
2. Hvað ertu hamingjusamur 1-10? hvað þarf til að hækka um 0,5?

3. Fyrir hvað er þú þakklátust/þakklátastur? nefndu þrennt, nýtt á hverjum
degi, eftir 3-4 daga tekur þú eftir fleiru sem þú ert þakklátur fyrir

4. Nefndu tvennt sem gleður þig – Nefndu tvennt sem þú ert stolt af

5. Hver gladdi þig s.l. viku/mánuð? Af hverju…

6. Skrifaðu niður mjög jákvæða nýlega minningu og vertu eins nákvæm og þú
getur. Þetta er þá minning sem þú átt enn skýrari ofan í skúffu og getur
gripið til, til að sækja í jákvæða tilfinningu.

7. Hvern hringir þú í ef þér líður illa eða vilt deila gleðifrétt?
Hver gefur þér kraft og orku, vellíðan og eitthvað að hugsa um?
– Þetta er fólkið sem skiptir mjög miklu máli
– Þekktu hvað gleður maka þinn eða vin/vinkonu og gerðu eitthvað í því 🙂
það styrkir sambandið

8. Stundum fara hlutirnir í lífinu ekki eins og maður hefði kosið. Rifjaðu
upp eitthvað slíkt dæmi úr þínu lífi sem þú gætir talið að hefur í
rauninni leitt af sér eitthvað gott

9. Lýstu fullkomnum degi, vertu eins nákvæmur og þú getur. Dagurinn á að vera
sæmilega raunsær. Hvaða vikudagur er þetta? með hverjum ert þú?

10. Hvað er á mínu valdi sem getur aukið hamingjuna á vinnustaðnum?

11. Virkni – hvar er tækifæri í þínu lífi til að taka meiri ábyrgð, vera
virkari?

12. Gerðu góðverk!

13. Hver í kringum þig er mjög hamingjusamur? Hvað getur þú lært af viðkomandi?

14. Styrkleikar – hverjir eru þínir styrkleikar? próf á netinu
http://www.authentichappiness.com
Nánar hér:https://hamingjuvisir.com/2013/04/13/mannkostir/
Notaðu styrkleikanna markvisst.

blóm222

Vertu jákvæður í eigin garð, skrifaðu niður það sem gekk vel í dag og af hverju það gekk vel

Einbeittu þér ef hægt er að því jákvæða í lífinu (hugsa í lausnum)

Geymdu góðar stundir og rifjaðu þær upp! búðu til hamingjukassa, vinnumöppu, úrklippur

Taktu eftir því góða sem aðrir gera

Vertu þakklátur

Vertu virkur!

Finndu mörkin ,,hvað er nóg“

confidence

Hvaða breytur eru í mestri fylgni við hamingju?

Mikil fylgni við hamingju:
Þakklæti, bjartsýni, að vera í vinnu, að vera vel virkur kynferðislega, upplifa oft jákvæðar tilfinningar og sjálfstraust

Klárlega fylgni við hamingju:
Fjöldi vina, vera giftur, styrkja andann (religiousness), þátttaka í félagsstarf, heilsa, vera oft með öðrum, hafa sjálfstjórn
Lítil eða engin fylgni við hamingju:
* aldur, kyn, menntun, stétt, tekjur, að eiga barn, greind, vera fallegur

Hamingjumælingar – hvetja til umhugsunar

In Uncategorized on January 20, 2015 at 2:49 pm

1. Hvað ertu hamingjusöm/samur með líf þitt hingað til, á bilinu 1 – 10?

kvarði2. Hvað ertu hamingjusöm/samur í dag á bilinu 1 – 10?

kvarði

3. Hvað hefur þú verið hamingjusöm/samur s.l. mánuði á bilinu 1 – 10?

kvarði

4.  Hvað upplifir þú af erfiðum tilfinningum s.l. viku (sorg, reiði, stress o.s.frv.)?

kvarði